المسيرة مرقت عصر قاصدة باحة القصر … عليك الله يا البرهان خليني النصل قصري … وبرهان العنيد سيف النصر حالف يمين مايصل قحاتي القصر … يا بني قحيط كملتو العوارة والعباطة والهبالة وصحي طير وفي الطير شفاتي ود (أبرك) وكنداكة (عشوشه) يعني القحاتي في الطير طيش الطير أو بالأصح بغاث الطير … إذا كنتو ماشين لي القصر فجأة وكان ماشين للقصر بالنهار أو كان ماشين للقصر بالظهر أو بالعصر أو بالليل أو كان لابسين طاقية الإختفاء ذااااته ماااا ح تصلوووووه إلا بحقه وحقه هو صندوووق الإنتخابات … يا كافي (البلا) ويا (حايد) المحن ما عندكم ولا موكب واحد عشان خاطر المواطن السوداني البسيط ده الما صرف راااتبو الشهري (لليلي) … بس جميع مظاهراتكم ومواكبكم عشان تعودوا للحكم والسلطة والقعاد في الكراسي وهمكم الأول بل الكيزان …اعلموا يا طير بني قحيط في تاريخ الدنيا كلها ما سمعنا لينا حكومة سقطت بي نفر ونفرين راكبين ليهم ترحال أوعشرة وعشرين ركابين ليهم حافلة أو مواصلات عامة وجايين من أطراف وضواحي ولاية الخرطوم عشان يصلوا لي نقاط تحرك المواكب وشايلين ليهم (سندات) طعمية (بالشطة) ويفتشوا ليهم في (أزيار) السبيل … أها المظاهرات (المتل) دي يا بني قحيط ما بتسقط ليها (راكوبة) ناهيك من أن تسقط حكومة يترأسها الجيش السوداني العظيم الأمين حامي حمي الوطن والبشيل التقيلة وبيعدل الميلة … … أخيرا … اعلموا بني قحيط بأنكم حتما ستخسرون عند كل مظاهرة تخرجون فيها عددا مقدرا من المتعاطفين معكم من أمثال الذين جاءوا بالأمس من أعمالهم (كداري) بسببكم قاطعين الكبري بي (حداشر خ) … وغيرهم كذلك ممن تعطلت اعمالهم ومعايشهم بسببكم …غايتووو … أنا أبشركم بأنه سيأتي اليوم الذي يقول فيه المواطن تعال ياشرطي خلف تلك (القمامة) قحاتي وقحاتية تعال اقبض عليهما … تاني فوضي مافي … وتاني قلت أدب مافي … وتاني خرشة وسكرة وصطلة مافي … وتاني ديسكو مختلط بين الأولاد والبنات القحاتيين والقحاتيات مافي … وتاني انطلاقة بنات مافي … تاني في رجم وجلد وبل بسسس يا أولاد أم ذقدة … إنتو مسؤلين من الخير وأهل الخير وناس الخير أين اختفي كيزان الخير ؟أكيد طبعا راقدين ليهم فوق رااااااااي …فهم وعلم … مش بلادة وسجم
✍️د.أحمدمنصورالمحامي …
