تبيان توفيق
يوم أمس كنتُ على إتصال مع واحد من التروس الراكزين بلجان مقاومة،،المزاد،، ذكر لي كلام غريب شديد وكلام خطير جدا جدا،، بأنو في سته من كوادر حزب البعث العربي الاشتراكي وأربعه من كوادر الحزب لجمهوري أجتمعوا مع مجموعه معينه من لجان مقاومة،، المزاد،، وأقصوا جزء منهم،، ودار الكلام حول حوجتهم لمشاركة التروس في تشكيل،، كتائب،، بإسم دِرع الثوره أو مايسمى بكتائب حنين،، وقدموا إقراءات كتيره من ضمنها الوظائف وتمليك مشاريع للشباب الحايشاركوا في الكتائب دي وطلبوا منهم الحضور اليوم وبالفعل حضر جزء من الشباب وتم دمجهم أو التشبيك بينهم وبين قوة شرطيه وخلوهم قاعدين في،، الأسكلا،، كنقطة إرتكاز ليهم،، وفروا ليهم وجبة الفطور والغداء ،، اليوم المجموعه دي شاركت في فض مواكب،، حملة،،، أختونا خلاص،، البتنادي بنزع الثقه من الحكومه الإنتقاليه،، وتم تسليح المجموعات دي بأسلحه متنوعه مابين،، خراتيش،، وعصي،، وفي اربعة من كوادر البعث كانوا شايلين،، كلاش،، الناس الكانت في الشارع الليله وصادفت الاحتجاجات دي بتكون شافت المشاركه حقتم في فض المواكب وبتكون شافت البكاسي البيضاء والشباب اللابسين ملكي ومالابسين كاكي واعمارهم متوسطه ،، الحاجه السمحه إنو في جزء من شباب لجان مقاومة،، المزاد،، رفضوا الفكره دي من الأساس وقالوا بالحرف الواحد،، نحن طلعنا ضد نظام الإنقاذ عشان ننهي دولة الإستبداد دي وكنا بنشوف كتائب الظل بتعمل في شنوا عشان كده ماحنكون جزء من فكره زي دي وماحنكون جزء من أي كتائب ظل ثانيه،، ولاحندعم حزب عشان يعمل كتائب خاصه بإسم الثوره دي،، وحيكون الفرق شنوا بينا وبين كتائب المؤتمر الوطني،، الكلام دا ماحدوا هنا وبس،، في طلب إتقدم للنائب العام والطلب دا قدموا جهاز المخابرات العامه تحت عنوان،، إعتقال بعض الإرهابين،، إنتو عارفين الطلب دا قاصدين بيهوا منو؟؟ للأسف حكومتنا عندها قائمه كامله بإعتقال ناشطين من الثوار،، وقاصدين الناشطين القاعدين يدافعوا عن لجان المقاومه وقاعدين في الشارع محروقين بسبب ضياع الثوره،، ورافضين المساومات البدت تظهر،، ومن ضمن المستهدفين بالإعتقالات دي تروس إعتصام التميز،، وبالأسم محددين التروس القاعدين يطالبوا بي حاجه ممكن تفتح ملفات المفقودين في فض الاعتصام وتظهِر حقائق كتيره ،، وبالذات لأنهم حارسين الجثث الموجوده في المشرحه ورافضين يفضوا اعتصامهم لحدي مايتم تشريحا كلها والمدنين القاعدين في الحكومه ديل اصلآ ماعايزين زول يبحث عن قضية فض الإعتصام دي كتير،، وفي إستهداف لناشطين وتروس قاعدين يتكلموا عن قضايا الهامش وبرضوا حيتم اعتقالهم،، الشيء المؤسف إنو المعلومات وتحركات التروس دي القاعدين يوفروها ليهم ،، كتائب،، حزب البعث ودا شغل خيانه عديل كده اجاركم الله،، وصدقوني دي الحقيقه،، الماعارفنها التروس الماعندهم إنتماء سياسي أنا بتمني مايتم إعتقال أي ترس ونكون كلنا كده أحرار،، وبتمني الناس تكون واااعيه وتكون مُفتحه لأنو،، الكتائب،، بتاعة الأحزاب دي وبالأخص حزب البعث دا لو عمل كتائب حنين حقتوا دي أو وهًمة كتائب دِرع الثوره وقِدِر أسس لكتائب ظل من العناصر حقتوا ماحيخلي زول يعبر عن رأيوا وحيتعامل بي عنف مفرط وحيكون اكعب من حق كتائب المؤتمر الوطني،، سابقاً وحتكون البدايه بي لجان المقاومه وتروس الثوره الحقيقين لأنهم ماحيرضو بي إعادة نموزج كتائب،، الظل،، ولاحيسكتوا عن مطالبهم المعروفه وأولها القصاص للشهداء والمفقودين والمغتصبين والمغتصبات،،خلونا نوعي بعض ياشباب،، واتفقدوا التروس لأنوا في اعتقالات حتتم،،تبيان توفيق ❤️
