الحزب الشيوعي يعتذر عن المشاركة في ندوة تشارك فيها الكتل والتحالفات السياسية ويصفها (بعدم وضوح الملامح والمواقف)!
الحزب الشيوعي يعتذر عن المشاركة في ندوة تشارك فيها الكتل والتحالفات السياسية ويصفها (بعدم وضوح الملامح والمواقف)!
طيب تعال الندوة قول كلامك دا ..
(العزلة) دي بتفرضها انت على نفسك كحزب ..ما على الآخرين !
قالو ليكم (نقعد معاكم ) قلتو (ما بنقابل كتل كل زول يجينا براهو)
قالو ليكم (الوحدة) قلتو (ما بنتوحد لانو عندنا راي في البرنامج الاقتصادي )
قالو ليكم طيب (ندوات) ونناقشكم قدام الجماهير كقوى مدنية متحضرة وسيلتها الحوار ، دي زاتها جريتوا منها !
الكلام دا ما صاح .. وما سليم ..
العقلاء في الحزب الشيوعي ..
البيان دا (سابقة) في تاريخ العمل السياسي في السودان !
لأول مرة نشوف حزب سياسي يتهرب من مهامو الطبيعيه كحزب ، أول مرة نسمع بحزب سياسي يقاطع الحراك الجماهيري في وجود زملاء ليهو مختلف معاهم في الطرح !
طبعا حته انك (بتطعن) في زملائك والتراشق بالبيانات دا شي مؤسف جدا .. لكن ما اشكال ..
دي علامة خطيرة جدا .. وابدا ما كويسه ..
الطبيعي اصلا انو الناس المختلفه يتناقشوا ويتحاوروا ..
المتفقين حا يتحاوروا لشنو أساسا!
دي سنه سيئه شديد والله وغير مقبولة ..
مرة ندوات تنضرب بمبان .. مرة احزاب سياسية تقاطع اللقاءات الجماهيرية ..
مافي خبر ممكن يخلي قادة الانقلاب الليله يبتسموا من الضرس للضرس زي خبر المقاطعه دا ..
دي اسمها شوفونا نحن عاجزين بقينا عن وحدة قوى الثورة وبقينا حتى عاجزين عن اننا نقعد نتكلم مع بعض!!
سلمتونا لقمه سائغه للأوباش !
