الصحفي عثمان السجمان يدعوا الأمم المتحدة للتدخل في السودان

ولا يزال بوق القحاتة عثمان ميرغني في أحلامه الوردية و (الظلوطية ) وهو يمني نفسه بعودة الحكومة القحاتية …
كل يوم يمر علينا يظهر فيه هذا البوق والمطبلاتي رقم 1 للقحاتة … يظهر للعامة بثياب الواعظين … ويبين لنا من غير مايقصد التبيين ما يخفيه قلبه الأسود اللعين من كره للسودان وللسودانيين … طيب التدخل ألأممي في السودان لماذا ؟ وفي شان شنو ؟ وهل وصلنا المرحلة الحرجة التي تقتضي بسببها التدخل الأممي في السودان … وهل عجزت السلطات السودانية من إحتوائها ؟ أم هي نصيحة حق أردت بها باطلا أيها البوق القحاتي … معني كده أي حاجة كان بيعملوها فيك الكيزان كانت علي حق … وده بس حالتو الشفناهو منك يبقي ما خفي أعظم …
يا عثمان ميرغني قحاتك ديل ما ح يجو تاني لإعتلاء السلطة في البلاد حتي ولو جعلت مانشيتات صحيفتك (البايرة) كلها عنهم … وحتي لو قلت للناس عبر كتاباتك (المشاترة) بأن مظاهراتهم العشرية مليونية … وحتي لو صورت للمجتمع الدولي صورة (فوتو شوب) بأن السودان يحتاج تدخلكم السريع فيه تحت البند السابع … يخسسي عليك وعلي وطنيتك … إنت القحاتة ديل ماسكين عليك شنو يا عثمان عشان تقلب ليهم الصاح خطأ والخطأ صاح … يعني نفسر البتعمل فيهو إنت ده عشان بتكره الكيزان طيب السودان والسودانيين ذنبهم شنو عشان تجيب ليهم الأمم المتحدة … بالله عليك ياعثمان ميرغني جيب مرايا وشوف وشك ده بقي كيفنو من عمايلك الشينة دي … قال تدخل أممي قال … عرفنا حبر قلمك ده مسموم برضو كمان الكلام البيطلع بي لسانك الفي خشمك ده زفر !! ….
🖋️د. أحمدمنصورالمحامي …