د الهادي الزين
*بإختصااااار يا دفعة*إنت عارف يا حمدكة انا يدي علي الكيبورد نص ساعة بفتش للكلام عشان اعقب علي خطابك البشبه إلا (عرس) العجايز دا؟كلمة (عرس) دي طبعاً واردة هنا تأدباً و أنت ادري بالمثل..*نمرة واحد* : يا حبيبي خطاب لم يشمل المأساة الحقيقية التي يعيشها الشعب السوداني ويوجد الحلول ليها دا مجرد عبط وهبل و استحمار للشعب السوداني.*نمرة اتنين:* أي خطاب لا يخاطب المجموعات السكانية المقتتلة في البحر الأحمر و جنوب كردفان وغرب كردفان وجنوب دارفور ووسط دارفور وغرب دارفورفهو خطاب نرجسي شاعري جاهلي ساذج وكلام مريسة ساي.*نمرة تلاتة:* أكبر مغالطة في حقوق الشعب السوداني مرت علي تاريخ السودان هي المساجلات التي تدور الآن بين وزارة المالية من جانب ولجنة إزالة التمكين من جانب آخر،، وموضوع المغالطة هو أموال بمليارات الدولارات وحجم مهول من الأصول تمت مصادرتها بواسطة اللجنة و زعمت تسليمها لوزارة المالية ووزارة المالية نفت الاتدعاء بالكامل (اديناكم لا ما اديتونا وحات ابو عيالي اديناكم وحات المكاشفي ما اديتونا)،،النقة دي انت شايفها بسيطة و الموضوع الشاغل الرأي العام دا ولا اي حاجة بالنسبة ليك والكلام فيهو مضيعة وقت و ناسي انت في بلد العشرة مليون دولار لو اودعت خزينة بنكها ممكن تؤثر علي السوق و سوق العملات و الميزان التجاري ،،وفي النهاية الشعب السوداني ظل ولا يزال منتظر الحقيقة تبين.*نمرة أربعة:* انت مصر تتابع ليك حاضنة سياسية (مؤخرتها) شيوعية، والشيوعية الآن منبوذة عالمياً وما عندها اي إمتداد او بعد إستراتيجي،، وكذالك احزاب القومية العربية،، و انت طبعاً ادري مني المسائل دي.*نمرة خمسة :**(إستقييييييل)*د. الزين الهادي (الزين الشين)الولايات المتحدة الأمريكية فيرجينيا 15 نوفمبر 2021م
