الغرب لا يريد حاكم وطني للسودان
عاوز تعرف البلد ماشة وين؟
ركز في حاجة واحدة. …
السيرة الذاتية لأعضاء بعثة الأمم المتحدة المتكاملة لدعم المرحلة الانتقالية في السودان اليونيتامس،كلهم بدون فرز ما عدا موظف الاستقبال الفي الباب…ركز في الدول الاشتغل فيها أعضاء والإنجاز كان شنو ..!
أمشي قدام شوية وركز في أصدقاء السودان، والبتضمُ كندا، وفرنسا، وألمانيا، وإيطاليا، وهولندا، والنرويج، وإسبانيا، والسويد، المتحدة، والمملكة المتحدة، والولايات المتحدة الأمريكية، والاتحاد الأوروبي؛ لاحظ لي ضباط المخابرات التابعين للسفارات دي وارتباطهم بدعم الناشطين والتظاهرات الفي الشارع ولو ما عندك علاقة بالموضوع قبل انطلاق المواكب اخد ليك لفة في محيط باشدار ومستشفى الجودة بتلقى سيارات دبلوماسية وسيارات منظمات دولية بالمناسبة لافة او واقفة مع ناشطين ومغيبين… وللأمانة في كثير من لجان المقاومة ما عندهم علاقة بالتخابر والسفارات جزء بسيط منهم مؤمن بالدولة المدنية والجزء الأكبر كوارد أحزاب اليسار وحلفائهم…
السفراء خليهم ديل حبايب السودان عديل.
ما تعاين لي جهود الاتحاد الافريقي والإيقاد، لانو ودلباد هو مهندس اتفاق العسكر مع قحت (الوثيقة الدستورية ) ما تهتم بالموضوع كثير أمشي أقرأ مذكرات ود لباد حول اتفاق العسكر وقحت… وقارنه بالنتائج الحصلت بعد الاتفاق…
الجاي يا حبايبنا أكعب من فترة حكم قحت الفات ونفس لجان المقاومة الكان بتطلع فترة قحت للشارع ما حتيقف وحتظل تتطلع لحدي يكتمل الانهيار التام.
محمد عبدالله
