بالدارجي يكتب احمد منصور المحامي

إذا انكسر المرق ح يتشتت الرصاص وإذا انهدم الركن حليل جيشنا البلم الناس ، والمرق أقصد به قوات شعبنا المسلحة السودانية حامية حمي أرضنا وعرضنا وأمننا وسلامتنا وعزتنا ومجدنا وهي بلا شك فخرنا ، والرصاص هو ما يتم وضعه ورصه علي (المرق) في عرش المنازل ، وأني لأقصد بهذا الوصف الشعب السوداني وإذا تم تفكيك جيشنا بأي صورة من الصور الموضوعة الآن أو بأي إسلوب من الأساليب المستحدثة حاليا ، أو تحت أي مسمي من بني قحت فرع السوق المركزي ، محبي الخواجات والسفارات والمنظمات ومريدي إعادة الإستعمار من جديد في بلاد ود حبوبة وعبد الفضيل ألماظ وعلي عبد اللطيف ، وإذا حصل ذلك يبقي يا شعب السودان عليك السلام ، حاليا الجيش يقف علي نقطة واحدة من الجميع فنجده وبحد الله لا يميل إلي طائفة سياسية دون الأخري ، وقد حاول بني قحت جاهدين عكس صورة الجيش في شخص الكيزان ولكنهم فشلوا فشلا ذريعا في إثبات ذلك ، ولم يستطيعوا إتمام هذا الحلم ، قحت ديل عندهم أحلام غريبة وعجيبة خلاص حيرتونا وحيرتوا معاكم ملوك الأحلام زاتم ، فنجد (زلوط) كبير الحالمين والذي يضرب به المثل في الأحلام تنازل لبني قحت عن شهرته وإسمه لتصبح العبارة بعد تنازله أحلام (قحطوط) بدلا من أحلام زلوط ، وأيضا (أليس) البطلة في القصة المشهورة (أليس في بلاد العجائب) تنازلت عن أحلامها وعجائبها في بلاد العجائب لبني قحت …الناس دي جاتنا من وييييين ، …أخيرا وليس آخرا كفوة جديدة من كفوات الزمن القحتي وإعلامهم العلماني البغيض … وبإذن الواحد الأحد سنتصدي لهم كما تصدينا لمسلسل ود المك ولحقناه (الفاني) القراي … في واحد كده ظهر في الساحة مسمي روحو زوول (سغيل) وفي الحقيقة هو زول (سخيل) ولعلنا تحاملنا كثيرا علي السخيل حينما شبهناه بهذا الشخص الثقيل حقيقة …يا جماعة الزول ده شغال فينا طلس عجيب جدا ومطلع السودانيين كلهم ما بيعرفوا دين ولا بيعرفوا قرءان ولا بيعرفوا سور القرءان …طيب يا زول يا (سخيل) ممكن تكون عملت 1000 فيديو عن إسم سورة قل هو الله أحد فوجدت 999 واحد وواحدة إجابتهم صحيحة 100 ٪ إلا واحد مثلك فقط إجابته ذي (خلقتك) دي تقوم تجيب لينا الواحد ده وتخلي إجابة ال 999 شخص الصحيحة (يا حليل أمانة الإعلام) …والبعيد شنو كمان تكون متفق معاهم مقابل بعض الأموال التافهة لترضي بفعلك هذا أسيادك العلمانيين ، لتبيع دينك وتشتري بصنيعك القبيح جهنم والعياذ بالله ، للمرة المليون يا ناس الإعلام إما إعلاما هادفا ينفع الناس … وإما أن تصمتوا …حاااربوا وقاطعوا وبلغوا عن صفحة هذا الزول (السخيل) حتي يعود إلي رشده لينشر بعد ذلك ما ينفع الناس ويفيدهم … وإلا فلابد أن لا نراه بفضلكم …لحقوووه مسلسل ود المك الذي توقف … وهو المسلسل الذي يشوه صورة أئمة المسلمين فهل فعلتم ذلك أثابكم الله

🖋️أحمدمنصورالمحامي